Aktuelle alternativer
Detaljer
Randi Fuglehaug, forfattar og journalist frå Voss, har laga ein ny litterær sjanger: Vossakrim!
Gjennom to bøker har tidlegare VG-reporter, no heimflytta lokalavisjournalist Agnes Tveit jakta på hemmelegheiter og svar på ei rekke “uhell” som skjer på Voss: I Fallesjuke dundrar ein fallskjermhoppar i bakken framfor hundrevis av sjokkerte tilskodarar under Ekstremsportveko på Voss. Undersøkingar viser at fallskjermen til den omkomne småbarnsmora Veslemøy Liland er tukla med, og drapsalarmen går. I Tonedød fell ein verdsberømt saksofonist død om på scena under Vossa Jazz. Etterforskinga rykker idylliske Voss ut av påskefreden. Møt Fuglehaug i samtale om bøkene.
Arrangementet er ein del av Litteratursymposiet i Odda 2022 med tema A4. Heile programmet finn du på littsymp.no.