Vinkurs med øks, kameler og kvartersregelen

Har du lurt på korleis vinen oppsto, kvifor me sablerar champagen, kva glas du skal bruke og kva kamelar har med kvitvin å gjera? Har du høyrt om kvartersregelen og har du vore i Hellas?

No har du moglegheit til å finne ut litt av dette med ein underhaldande kveld med Espen Blåfjelldal, der du får mykje info på ein litt ny måte. Me garanterer at du vil smile, le og lære nye ting om vin på ein særs lite snobbete måte.

Espen Blåfjelldal er frå Bagn, og har vokse opp på kjøkkenbenken med soverom tett på vaskerommet der det ofte var eit lite labratorie i gang, og han vart skapt mellom maten og alkoholen. Han har jobba lenge med vin, og har ein vinteknisk utdanning frå Australia, har jobba i alle deler av vinproduksjon frå jord til det er servert på restauranten, og har i dei seinare år jobba som smaksdommer for sider, øl, eplemost og ost. Han driv til vanleg på Små Vesen og brygger øl, og jobber med lokalmat og drikke litt på si.