Tur til Baståsen frå Fammestad

Turen startar i frå ungdomshuset på Fammestad. Stien er skilta og merka. Turen går i lett terreng gjennom flott furuskog. På Baståsen er det ein flott gapahuk, med flott utsikt utover Eikanger og Osterfjorden. Her er det postkasse med turbok og tang til Myking sitt turkort. Ein kan gå tilbake same veg, eller følge løypa på kartet her. Her er det lagt inn ei sløyfe mot Skråfossen. Det tek ikkje noko lengre tid, og ein kjem tilbake til ungdomshuset denne vegen også. Turen er ca. 14 km lang tur/retur, og tek ca. 2t og 15 min.

Det går også sti vidare frå Baståsen og ned til Eikanger.

Turkortet er å få kjøpt på Nærbutikken på Myking.