Praktisk info
Sponsede linker
Magasinet - frilufteksperten siden 1991
Get Inspired - alt i trening og fritid
Omtaler
Turbeskrivelse
Svèningen (842 m.o.h.) er det høgaste fjellet i Os. Turen startar ved parkeringsplass i Øvredalen. Frå parkeringsplassen går du over ei lita bru, og følgjer skiltinga til fjells. Langs den første delen av turen vil du finne fleire visdomsord og hyggelege overraskingar. Kunstnar og poet Jimmy Øvredal som bur i området har satt opp dette.
Den første delen av turen går i skogsterreng. Når du kjem over tregrensa, får du ei nydeleg utsikt bakover mot Øvredalen. No startar stigninga opp mot toppen. Det er spesielt eit par stader der det er skikkeleg bratt. Frå toppen er det storslagen utsikt mot Fusa, Samnanger, Folgefonna i aust, Bjørnefjorden, Tysnes og Kvinnherad i sør. Nordover ser du Gullfjellet og Byfjella i Bergen.
Frå Svèningen kan du gå vidare mot Søtafjellet, Sauskolten, Rindafjellet og heilt til Midtsæterfjellet. Dette er er å rekne som ein dagstur. Ein tur som byr på fantastisk utsikt, samt høgfjellskjensle. Eit tips er å setje frå seg ein bil på Midtsæter slik at ein har transport når ein kjem ned frå fjellet.
Nye turskilt til Svéningen frå parkeringsplassen er under arbeid. Turen er på omlag 5,8 km.