Skavhedlo

Ca 300 meter etter ballbingen på Berge, tek du til høgre inn på grusa skogsveg.(Like før du kjem til Os hageservice sine lokaler). Vegen heilt inn til Skavhedlo er god, og her kan du gå på trilletur om du vil. Skogsvegen har granskog på begge sider av vegen første del av turen, men etter omlag 1 km åpnar landskapet seg, og du får fantastisk utsikt mot Fusa og Samnangerfjorden.

"Skavhella hev fenge namnet sitt av ei hella, eit flatt berg eller ein anna liten flate, der ein hogde skav eller samla i hop skavveden til bruk for vinteren". Nils Tveit, Os soga

På Skavhedlo budde det folk fram til tidleg på 1900- talet, og det var 2 bruk på Skavhedlo. Under 2.verdskrig stod det eitt hus igjen. Det huset vert nytta som skjulestad for 2 russiske krigsfangar som rømde frå fangeleiren på Haugsneset. Dei vart funne av tyskarane, og avretta. Tyskarane brant samtidig ned det siste huset som stod igjen på Skavhedlo.