Sidersmaking i Skummesalen

Hardanger møter Frankrike i Skummesalen!

Me gjentar fjorårets suksess med sidersmaking i Skummesalen i regi av siderpommelierar Kasper Wrem Anderson og Thor Oddvar Havn.

Dei losar publikum gjennom ein sensorisk reise frå Sørfjorden representert ved Kvestad Sideri til Normandie i Frankrike. Me samanliknar Kvestad`s prisvinnande produkt med dei tradisjonelle franske sidrane. Håkon Kvestad tek turen til Øystese. Nykomaren Draopar frå Eidfjord er òg til stades i Skummesalen med sin sider Vaseprat.

Attåt sideren har Barmen komponert ein kulinarisk smaksprøve og me vil også teste Hardanger Bygdeysteri sin nye lagra kvitost til saman med ein passe sider.

Skummesalen ligg i hjartet av det gamle TINE-anlegget som no har vorte Mathuset. Inngang øvre side av bygget.