Rundtur langs Fossheimselva

Turstart på Fossheim der du går på sti langs Fossheimselva heile vegen opp. Når vassmengda i elva er stor kan du sjå korleis naturkreftene jobbar i elveløpet. Det er laga til sitjebenkar på det finaste utsikspunktet på turen. Frå "sessen" ser du rett mot Skei sentrum, Jølstravatnet, Orkja og Nonsnipa og Klauva i Sandalen. Returen går du delvis på same sti som på veg opp, men med avstikkar som fører deg til utsiktspunkt der du får sjå nydeleg parti ved Juvikvatnet på Fossheim. Dersom du ønskjer å gå på skogsveg ned att kan du i endepunktet gå vidare mot Fossheimselva, og krysse den over bru. Følg skogsveg heilt ned att til Fossheim.