Påskeparty med Pakkers

Pakkers - også tidlegare kjent som Matpackers (bandnavnet blei korta ned til Pakkers for nokre år sidan) – spelar feststemt musikk med norske tekstar på pur Sandeidsdialekt. Eller ekte sjømannsrock som Pakkers sjølv seier. Bandet har vore velsigna med gode kritikkar opp gjennom åra. «GLIMRENDE NORSK. Nå er det Hellbillies, Vamp, Vestlandsfanden og - Matpackers det dreier seg om» skrev BA i forbindelse med debuten i sin tid. Pakkers har reist land og strand i over 25 år og spelt på både små og store scenar, visefestivaler og musikkfestivaler i både Norge og Danmark. Totalt 6 album og fleire millionar streams har det blitt så langt. Meir er i vente.