Aktuelle alternativer
Detaljer
Billett til: Bergen, Perth, Kabul
LitFestBergens storsatsing i 2021 er samarbeidsprosjektet Literature Live Around the World. Vi har invitert festivalar og litteraturhus frå heile verda til å lage litterære program på eigne scener med utvalde forfattarar og kunstnarar. Vi er live og direkte frå klokka 12 til midnatt, non-stop!
Alle partnarane viser ein kort video der dei presenterer by, kultur, språk og litteratur. Deretter koplar programleiarane Siss Vik og Mona B. Riise Bergen til verda i beste Grand Prix-stil når dei «ringer opp» vertane i kvart land. Eit unikt litterært program vil så bli vist, til glede for det lokale publikummet i den aktuelle byen, publikummet på Litteraturhuset i Bergen, og for alle over heile verda som vil følgje programmet, heilt gratis, på eigne skjermar.
Bli med på denne litterære reisa til alle kontinent! Reiseruta er som følgjer:
12:00 Bergen. 13:00 Perth. 14:00 Kabul. 15:00 Jaipur. 16:00 Dubai. 17:00 Lagos. 18:00 Buenos Aires. 19:00 Edinburgh. 20:00 Lyon. 21:00 Berkeley. 22:00 Toronto. 23:00 Treasure Beach.
I samarbeid med NRK.
Kjøp anten tre-timarsbillett eller 12-timarbillett om du vil følgje programmet frå scena på Litteraturhuset.