Kunstbar: Egg

Det nærmar seg påske og me vil i denne Kunstbaren ha fokus på egget, som er eit av dei sterke symbola knytt til denne høgtida.

Det vert eggedekorasjonsverkstad og me skal sjå nærare på korleis egget har vore nytta som motiv i kunsthistoria.

• Eggedekorasjonsverkstad med Aukse Drungiliene. Aukse kjem frå Litauen kor eggedekorasjon har sterke tradisjonar. Ho syner oss teknikkar ein kan nytta for å dekorere påskeegga. Ta med 2-3 kokte egg du ynskjer å dekorera.
• Egget har vore nytta som motiv i kunsten på mange ulike og overraskande måtar. Me skal sjå nokre eksemplar på dette frå Hieronymus Bosch (1450-1516) til Salvador Dali (1904-1989), i det klassiske stillebenet og samtidskunsten.

Arrangementet vil bli gjennomført i tråd med gjeldande retningslinjer for smittevern og har kun få plassar

Om Kunstbar: Kvar månad vert eit nytt tema presentert. Temaet relaterer seg til utstillingar og anna aktuelt i Kabuso. Kunstbar har som mål å vera ein møtestad for deg og meg

Bill kr 150,- inkl. valfri drikke frå kaféen/baren: Vår eigen Storeteigenmost, mineralvatn, vin, øl, kaffi, te etc

Les meir om konsertar og arrangement i Kabuso på kabuso.no