Konsert og dans med Åsmund Åmli Band og Rabbagast

«Stomp og Vatn» eller «Eg e kåt, eg e galen, eg e frå Setesdalen» er kanskje den låta Åsmund Åmli Band er mest kjent for. Bandet har solgt nærare 40000 album og blitt streama millionar av gongar dei 25 åra dei har halde på. Det er likevel live-opptreden bandet er mest kjent for og har gjesta dei fleste byar og avkrokar i landet. Med høg allsongfaktor vert det formidla speleglede og eit show som går heim hjå dei fleste i alle aldrar. I tillegg kjem Bent Stølås og Jan Inge Kvilhaugsvik frå Karmøy. Dei utgjer duoen «Rabbagast» og dei har ein eigen evne til å få god kontakt med publikum. Mange hugsar nok duoen frå tidligare Kanaldagar då dei laga ein fantastisk stemning.