Kongerekka frå Giske

Arnesønene frå Giske har ein sentral plass i Snorre Sturlason si dramatiske forteljing om Heilag-Olav og fødselen av nasjonen Noreg. Dei fire brørne fekk styringa av Trøndelag og Nordvestlandet og var dessutan inngifte i dei mektigaste ættene på Vestlandet og i Nord-Noreg. Slik vart Giske eit maktsentrum i Kyst-Noreg. Tora Torbergsdotter frå Giske vart dronning og stam-mor til den norske kongsætta, noko som knyter Giske-ætta tett opp til styringa av Noreg i mellom-alderen. Så når vi tok kontakt med Are Sende Osen for å høyre om han kunne ha ei førestilling av Kongerekka, var det naturleg å då seie at vi vil ha vår eiga kongerekke. Han sa ja, med ein gong og han er begeistra. Når vi no spør kor det går med skrivinga, så seie han; " Giskeætta og Arnungane er blant dei viktigaste, mektigaste og mest interresante høvdingane i Noregshistoria. Her er det stoff nok til å lage 7 episke action-filmer – minst. Eg gler meg veldig til å kome til Giske 01. juni.". Og vi gler oss til å få "Kongerekka frå Giske" på sjølvaste Giske. Vi trur også at med å starte junimånaden med å få meir av historia frå Giske – og Norge, så vil dette forsterke opplevinga av Giskespelet, som startar 20. juni, med førestillingar 20. 22. og 23. juni. Håper å sjå deg også då. Foto krediterast: NRK/Martin Johan Eggen.