Klassisk Vårkonsert i Gamle Skrivargarden

Endeleg har skrivargardsfrua sjølv konsert i Gamle Skrivargarden! Karen Rosenberg Olsen møtte pianisten Jon Inge Sigerland i høve ein konsert dei gjorde saman i Måløy. Dei fann fort ut at dei begge var glade i lieder- og romanserepertoaret og då særskild Haugtussa av Grieg. Det er nettopp dette publikum skal få høyre - tonar av Grieg, Agathe Backer Grøndahl og Halfdan Kjærulf. Sigerland vil óg spele nokre solo klavérstykker for oss. Huskonsertformatet er noko som kler denne musikken veldig godt og det er óg noko som har sterke og tradisjonsrike røter. Kom til skrivargards denne vårkvelden og lytt til perler som "Våren" av Grieg og det eviggrønne verket "Haugtussa" - skrive av Arne Garborg, som også faktisk vitja Skrivargarden i si tid. Laurdag 27. april kl.18.00-19.30 Billettar kjøpast på tikkio: 350,-