Aktuelle alternativer
Detaljer
Bergen mannskor under leiing av sin dirigent Jon Flydal Blichfeldt inviterer også i år til tradisjonell og stemningsfull adventskonsert om kvelden veslejulaftan i Åsane gamle kyrkje og ynkjer å gleda publikumet sitt med eit variert program.
På orgel og piano medverkar Knut Christian Jansson som er kantor i Fridalen kyrkje. Han har studert klaver med Jiri Hlinka og Einar Henning Smebye, og er aktiv som solist og kammermusikar. Han har m.a vore solist med Bergen Filharmoniske Orkester og opptrådt på Festspela i Bergen, Østfold kammermusikkfest, Valenfestivalen og Borealisfestivalen. Han er nytta som pianist i ensemblet BIT20 og som akkompagnatør ved Griegakademiet. Jansson har fremført ei rekkje av Mozart sine klaverkonsertar på hammarklaver.
Som kantor vart Knut Christian vinnar av Johan Nordahl Brun-prisen i 2021. Jansson fekk denne brubyggjarprisen for kreativitet og kvalitet i sitt omfattende arbeid med korsong og kyrkjemusikk i Fridalen i Bergen.
På tuba medverkar Gard Edvard Vathne Thomassen. Han er fødd og oppvaksen i Bergen. I ungdomskuleåra vart han med i det lokale skulekorpset, og der fann han tubaen. Han vart fort forelska i instrumentet, og vart aktiv i Bergen sitt korpsmiljø. Etter vidaregåande fullførte Gard Edvard førstegangstenesta ved 3. gardekompani i Hans Majestet Kongen sin Garde. Han starta etter dette å studere i Stavanger under professor Frode Amundsen. Etter to år der, vende han snuten austover, som student ved Noregs Musikkhøgskule, der han nå går sitt siste år, fortsatt under professor Amundsen.
Gard Edvard har lenge vore ein aktiv del av korpsmiljøet her i landet, og han har spilt med fleire av våre beste korps. Han har spilt mykje soloverk og kammermusikk, både med og utan eit korps i ryggen.
Ynskjer du kontakt med koret: post@bergenmannskor.no