Hildegunn og Leif-Per utan Kringkastingsorkesteret // Løvenvold Theater

Hildegunn og Leif er tilbake på Løvenvold Theater! Har du enno ikkje fått med deg suksess-showet til Hildegunn & Leif-Per? Då har du ein ny sjanse når det eksentriske paret frå Ulsteinvik kjem tilbake til oss den 14. februar. Det heile skjer på sjølvaste Valentinsdagen - og dette kjem sjølvsagt ikkje til å gå upåakta hen! Publikum og presse jublar for comeback-showet Hildegunn og Leif-Per, som er gestalta av komikarane Fredrik Steen og Ørjan Liavåg. 14.000 har sett showet så langt - 5000 av dei her på Løvenvold Theater! Sunnmørsposten ga showet terningkast 5 og skriv mellom anna: «Duoen er så lekende også på dette planet at de durer innom en rekke sjangere, fra det smålune til det helt pompøse, som de bevilger seg sjøl og oss helt mot slutten. Ja takk, alle deler!» «Meget tekststerke, helt på hugget med timing, og med tydelige og svært gode karakterer.» Er det eit show? Er det ein konsert? Vi er sanneleg ikkje sikre, men vi kan love deg ein heilsprø og svært morosam kveld som ikkje liknar så mykje anna i den norske underhaldningsbransjen akkurat no! Av og med Fredrik Steen og Ørjan Liavåg Regi: Karina Aase Varigheit: 1 time og 20 min.