Hildegunn & Leif-Per LIVE! Kårvåghallen

Ungdomslaget Utheim inviterer! Endeleg er Hildegunn og Leif-Per Moltubakk tilbake i norsk showbiz! Mykje har skjedd sidan Hildegunn og Leif-Per tok heile landet med storm frå 1998-2010. Hildegunn har skilt seg frå ektemannen, Per-Leif, ho har blitt bestemor til sju - og har endeleg greidd å fullføre ei etterlengta utdanning som mental-coach. Leif-Per er framleis ein av Sunnmøre mest habile gitaristar, og har kjøpt seg hytte med vakuumtoalett - så vidt vi veit er han framleis singel. Hildegunn og Leif-Per har premiere på comeback-showet sitt i Ålesund den 26. september i haust, men før det kjem dei på ein aldri så liten visitt til Kårvåg - for første gong! Spenn deg fast for ein humorkveld som ikkje liknar så mykje anna i norsk underhaldning! Dørene opnar kl. 19.00. SHOWTIME: KL. 20.00 Etter showet vert det open pub.