Gotdalsstøylen og Tolsbotnen

Turen startar på traktorveg, som går heile vegen opp til Gotdalsstøylen. På vegen opp her passerer du den flotte og majestetiske fossen i Gotdalen. Traktorvegen er fin å sykle dersom du vil spare tid opp og ned. Frå støylen går du på relativt tydeleg, og delvis merka sti, opp til Tolsbotnen. Det er lurt å gå opp i skaret mellom Gotdalsnipa og Litlebotsegga (ca 1000 moh). Dei få ekstra høgdemeterane opp frå botnen til skaret gir deg flott utsikt mot Stegsvatnet i Årdalen. Turen opp tek kring 1,5-2 timar.

Turen opp til Tolsbotnen er første etappe på vegen frå Ålhus til Longevasshytta. Frå Longevasshytta kan du bl.a. returnere forbi Stegsvatnet til Årdalen.