Gorrlaus

Daniel Sandén-Warg: Hardingfele og munnharpe

Me er særs glade for at Daniel Sandén-Warg tar turen over fjellet i slutten av denne sommaren for å spele på Gorrlaus for andre gong. Han er ein av dei framste utøverane i Setesdals tradisjonen på hardingfele og munnharpe.Han har lært direkte av Hallvard T. Bjørgum og har i tillegg granska arkiv opptak av blant anna Torleiv H. Bjørgum og Andres K. Rysstad. Han har klart å få tonalitet, rytmikk og ornamentikk frå dei gamle meisterane inn i sitt eige felespel på ein måte som svært få har klart i seinare tid. Han har spelt inn fleire plater med tradisjons musikk frå Setesdal. Blant disse er Rammeslått 1 og 2 saman med munnharpespelemann Sigurd Brokke, Bjørgumspel vol 2, 3 og 4 saman med Hallvard T. Bjørgum og Warg/Buen saman med Per Anders Buen Garnås. Dette er ein unik sjanse til å få oppleve noko av det mest hardtsvingande hardingfelespelet som finst i dette ganske land.