Garborgdagar 2022: Garborg og fantane ved Sigbjørn Reime 29.1. kl. 13.00

Arne Garborg har skrive både om og for fantefolket, dokumentarisk og skjønnlitterært. Det er alltid ein positiv undertone i desse tekstane, som kan vera både smilande, snedige og såre. Mykje av stoffet om fantane var sjølvopplevd, og fanteguten frå nabobygda er ein gjennomgangsfigur, litterært så vel som i det verkelege livet til diktaren.

Sigbjørn Reime er ein populær foredragshaldar og vil fortelja kor, korleis og kvifor fantane fanst i livet til diktarmannen frå Garborg. Han er tidlegare kulturformidlar i Time kommune og har språkmodernisert Arne Garborg sine jærbøker.

Foredraget blir halde i høve av at romanen "Fred" fyller 130 år i 2022.

Programleiar er Inger Undheim.

Arr. Garborgdagar