Fjellbygda i verda

VELKOMMEN TIL «FJELLBYGDA I VERDA»!

Stor kulturkveld på Slottet.

Lag, bedrifter og entusiastiske folk i Sirdal inviterer til ein kveld med middag, meining og omtanke. Me ynskjer velkommen til ei spanande oppleving der me byr på historieforteljing frå lokale, verdskjente journalistar og foredragshaldarar. Gjennom arrangementet vil me medverke til eit sterkt og levande kulturliv i Sirdal.

Tor Sigve Vik hadde ideen som han i lag med entusiastiske sambygdingar nå har realisert. Prosjektet er basert på dugnad og er sponsa av næringsaktørar. Heile overskotet går til «Home of Bahati».

Home of Bahati er ein humanitær organisasjon som sidan 2011 har gitt barn og unge ein trygg og god heim i familieheimen Bahati House i Tanzania. Målet for organisasjonen er å gje barn og unge ein god start i livet gjennom omsorg og god utdanning slik at dei kan skape gode live for seg sjølv og andre.

Program:

17.00 Opne dører 17.45 Til bords 18.00 Velkommen. Konferansier Magnar Undheim 18.10 Tor Sigve Vik fortel om initiativet til «Fjellbygda i verda» 18.15 Foredrag av Tore Kvæven 18.50 Forrett 19.15 Anette Groth: «Fra Nelson Mandela til dronning Elizabeth» 19.50 Hovudrett 20.35 Musikkinnslag 20.45 Foredrag av Vegard Tjørhom 21.25 Dessert 21.50 Nina Ousdal, primus motor i House of Bahati fortel om prosjektet