Familieførestilling med Heidi Marie Vestrheim og Jenny Fender i Kabuso

FAMILIEFØRESTILLING og BOKLANSERING

Heidi Marie Vestrheim kjem til Siderfestivalen for å lese, synge og fortelje frå debutboka si Jenny Fender! Ei barnebok om rock, venskap og kjærleik.

Heidi Marie har med seg venninne og medmusikant Brit Aksnes. Saman tar dei publikum med seg gjennom deler av dramatikken Jenny Fender opplever i løpet av ein sommar, der både vennskap, spelejobb og nye kjensler står på spel.

Jenny Fender handlar om 12 - år gamle Jenny som bur i ei lita bygd på Vestlandet, men ho drøymer om å reise på verdensturné med rockebandet sitt Nabovarsel, som ho har saman med bestevennen sin Signe. Ein dag opnar det seg ein heilt fantastisk moglegheit: Nabovarsel skal få spele oppvarmingsjobb for Sidergutane på den lokale siderfestivalen! Er dette starten på sjølvaste rockelivet? Og korleis skal ein greie å vere ein god bestevenn når ting skjer og nye kjensler lever sitt eige liv?

Sal av bok