Aktuelle alternativer
Detaljer
Under Garborgdagar vert forfattarar og markante personar invitert til å halda foredrag om deira forhold til Garborg. I 2024 held nasjonalbibliotekar Aslak Sira Myhre foredraget.
I eit intervju med Klassekampen sommaren 2023 sa Sira Myhre at han held Garborg fremst av dei litterære klassikarane. Og på spørsmål om kvifor han held ein knapp på Garborg føre Ibsen, svara han at «det vestlandske tungsinnet til Garborg er lettere å forholde seg til. Han var en europeisk intellektuell som bedre enn noen klarte å forene det norske med det internasjonale.» Me måtte få nasjonalbibliotekaren til Garborgdagar, og me er svært glade for at han takka ja til utfordringa om å halda Min Garborg-foredraget i 2024.
Aslak Sira Myhre har vore nasjonalbibliotekar sidan 2104. Han var før det m.a. leiar for Litteraturhuset i Oslo.
Foto: Nasjonalbiblioteket/Gorm K. Gaare