Garborgdagar 2023: Jærbuen - fanatisk moderat eller respektlaus radikalar?

Innleiing av Tom Hetland. Samtalen er leia av Jan Zahl, kulturjournalist i Aftenbladet. Forutan Hetland har han med seg Bothild Åslaugsdotter Nordsletten, redaktør i Bondevennen, og Torgeir Høien, dagleg leiar i Logometrica.
Foto: K.K. Kleppe
Denne aktiviteten er allerede gjennomført eller markert som utgått.
26.jan
-
kl 19:00

Detaljer

«Jærbuen er moderat, og det med fanatisme.» Slik innleier Arne Garborg kapittelet om «Jædersk politik» i artikkelserien «Fra det mørke fastland» frå 1893. Men les me vidare, viser det seg at jærbuen langt frå er moderat. Rett nok er han oppteken av at politikarane skal verna om barnetrua, men elles er han «meir radikal enn dei radikale», meiner Garborg. Fekk jærbuen det som han ville, hadde han avskaffa kongedømmet, redusert stortingsprivilegia, kutta i militæret og reinska departementa for byråkratar. Det vil naturlegvis aldri skje, så derfor ligg framtida for jærbuen ikkje i politikken, men å slå seg saman for å få størst mogleg frukter ut av sitt eige arbeid, skreiv Garborg for 130 år sidan.

Trefte Garborg blink i det politiske portrettet av jærbuen, eller var det ein ugjenkjenneleg karikatur? Går det lange linjer frå 1800-talet til dagens jærske politiske kultur, og kva består dei i så fall i? Har Jæren i det heile tatt politiske tradisjonar som skil seg frå resten av landet?

Innleiing ved Tom Hetland, politisk kommentator og historikar, tidlegare sjefredaktør i Stavanger Aftenblad.

Samtalen er leia av Jan Zahl, kulturjournalist i Aftenbladet. Forutan Hetland har han med seg Bothild Åslaugsdotter Nordsletten, redaktør i Bondevennen, og Torgeir Høien, dagleg leiar i Logometrica.

Foto: K.K. Kleppe

Praktisk info

Enjoy-kode: 912112
Garborgsenteret ligg like ved Bryne stasjon og er universelt utforma. Det er kort veg til buss og tog og parkeringshus like ved.
Type
Festivaler
Passer for
Voksne, Eldre
Kilde
Enjoy

Henter ..