Flamencokurs med Bellali Austria – vaksne

Er du nysgjerrig på flamencodans, eller saknar du rett og slett å danse i desse tider? Då er dette ein gylden sjanse til å utforske og finne ut om det er noko for deg. Her får du lære grunnleggande trinn og teknikk, som er eit viktig grunnlag for dansen, og gjer at du unngår å skade kroppen din. Ein av dei beste flamenco-instruktørane i Norge, grunnleggaren av flamencoskulen Espacio flamenco Noruega i Oslo, Bellali Astria, gjev deg basiskunnskap om haldning, styrke og smidigheit i flamenco, og lærer deg enkle trinnsekvensar og korte koreografiar.

Bellali Austria Den meksikanske dansaren, pedagogen og produsenten Bellali Austria har budd i Norge sidan 2012. Ho er utdanna i flamencopedagogikk frå Sevilla, har eit 4-årig kunst- og dansestudium frå Mexico, og har undervist i flamencodans i over 13 år. I 2013 grunnla ho flamencoskulen Espacio flamenco Noruega i Oslo, som flamenco-verkstadar og kurs på alle nivå.

På Førdefestivalen vil du også oppleve Bellali Austria i gruppa RIID, som har konsert fredag. 9. juli.

Alle kursa vert arrangerte i gangavstand frå Førdehuset. Detaljar kjem.

Les meir om kurs på fordefestival.no