Aktuelle alternativer
Detaljer
Dørene opnar kl 2100 // Konsert kl 2230 // Aldersgrense 20 år // Billettpris kr 199,- Eigen studentpris kjem før skulestart. Blues for både kropp og sjel Anita Nordheim Blues n’ Groove Company spelar blues- og groovemusikk slik den er meint å bli spelt. Rått, med følelse, og utan noko juggel.
Ein groovy miks av sjelfulle klassikarar og eige materiale
Anita Nordheim Blues n’ Groove Company starta som ein hyllest til nokre av dei mest særprega
kvinnelege artistane i musikkhistoria, men prosjektet utvikla seg raskt til å bli noko meir.
Etter ein solid start med fleire klubbkonsertar og festivaljobbar gjekk det bergensbaserte blues- og
groovebandet våren 2020 i studio og spelt inn låtane «Burn Me Out», «Despite», «A Perfect Day»,
«Do You Dare», «We Are All Fools A Little» og «The House Where I Live». Sistnemde vil få ein eigen
musikkvideo i løpet av hausten, og frontfigur Anita Nordheim legg ikkje skjul på at ho gler seg stort til
å endeleg få vise omverda kva bandet hennar har brygga på i studio.
– Coverlåtane vi spelar er signert nokre av mine førebilete då eg vaks opp, og dei tende mi interesse
for song gjennom sin musikk. Dette var sterke kvinner som bana veg for oss som kom etter, og som gav alt dei
hadde både på scena og i kulissane. Våre eigne låtar er inspirert av denne musikktradisjonen, men samtidig
prega av medlemmane sine eigne inspirasjonskjelder. Bandet er svært nøgd med resultatet etter opphaldet
i studio, men det er på scena dei trivst best. – Repertoaret vårt består av gode låtar med mykje
trøkk og følelse, om ein gjer dei rett. Sjangrane vi opererer innan gir utruleg mykje når alt klaffar, og
det er den godfølelsen vi ønskjer å skape på våre konsertar, noko vi og får tilbakemeldingar på at vi
lukkast med. Suksessoppskrifta så langt har vore å fokusere på musikken. Det har Anita Nordheim Blues n’
Groove Company tenkt å fortsette med.
– Dette er ekte saker der det ikkje kjem noko mellom oss som musikarar og publikum. Her finst
det ingen effektar eller staffasje, berre rein, rå speleglede. Det er veldig befriande og gir ein nærleik
mellom scene og sal som eg sjeldan har opplevd i mi fleire tiår lange musikkarriere. Vi synst enkelt og
greitt at dette er grådig moro, og energien som vi føler har nok lett for å smitte over på publikum og
skape topp stemning!