Terje Espenes

Nordnorske historier, viserock og sterke melodiar
Terje Espenes har dei siste åra etablert seg som ei markant stemme innan norsk viserock. Med røter frå Nord-Noreg skriv han songar om menneske, stader og livserfaringar, formidla gjennom varme melodiar og tekstar med nærleik og truverd. Musikken er i landskapet mellom vise, folkrock og americana, med naturlege samband til artistar som Kari Bremnes, Stein Torleif Bjella, og Henning Kvitnes.
24. april gav Espenes ut albumet «Regn ska falle», som allereie har fått stor merksemd og blir trekt fram blant årets beste norske utgivingar av fleire musikkmeldarar. Dei to tidlegare albuma, «Bondesønn» og «Røtter», fekk gjennomgåande sterke meldingar og vart løfta fram på lister over årets beste norske album i 2023 og 2024.
Espenes har gjennom fleire utgivingar opparbeidd seg eit rykte som ein sterk historieforteljar med ei særeigen nordnorsk stemme. Songane handlar ofte om tilhøyrsel, oppvekst, menneske og landskap, og blir framførte med eit nærvær som gjer like sterkt inn i det vesle kulturhuset som på større scener.
Springsteen-hyllesta
I 2021 gav Espenes ut albumet «Hopes and Dreams - The Songs of Bruce Springsteen», ei akustisk hyllest til Springsteen. Utgivinga fekk svært gode meldingar og vart mellom anna løfta fram på Erik Valebrokks liste over årets beste album. Den danske musikknettstaden Side33 skreiv:
«Samlet hørt er det et album, der cementerer Terje Espenes som en af vor tids vigtigste nordiske sangere på americana-scenen.»