Aktuelle alternativer
Detaljer
Me ventar på sommar og fjørefest att! Etter fjorårets gedigne suksess, gler me oss til ein ny, uformell kveld med musikk, god mat og drikke i fjøresteinane. Me opnar dørene kl 18.00 og held det gåande til litt over midnatt. (Dørene stenges kl 19.00). Me har fått med oss fem band; Werner Barth, Åvai Bedehusaband, Vangsgutane, El Corizon og ny av året; Frode Aarsbog. Dette er artister og band som har fulgt Vikeplikt sidan pubens morgon. Werner Barth beståande av Britt Elise Skram, Karl-Arne Frantzen og John Trygve Villa på henholdsvis fele, gitar og bass. Sidan 2002 har gruppa spelt ein type eigenarrangert folkemusikk blanda med andre impulsar og kan vel best puttast i båsen folk-rock. Repertoaret har spunne frå rolege folketonar via morsomme viser til spenstige hallingar. Vangsgutane starta opp først i 1990 og haldt det gåande fram til 2001, med meir enn 350 konsertar frå Tromsø i nord til Halden i sør. Etter nokre år i dvale, dukka bandet opp igjen i 2005 og har sidan haldt det gående. Det er folkrock, hovedsakeleg frå Irland og dei britiske øyer som fortsatt utgjer hovuddelen av repertoaret. Ei mangfaldig instrumentering gjer at det umiskjennelig let som folkrock frå øyane vest i havet skal låte – med melodiar som spenner frå rolige tradisjonelle balladar til jiig og reel i fullt forsprang. Vangsgutane består av Britt Elise Skram på fele, Gunnar Rafteseth på trekkspill, Jørgen Wiik på fløyter, Lasse Krogseth på bass, Magne Steinsvoll på mandolin, banjo og sang, Terje Bystøl Hansen på trommer og Hallvar Djupvik på vokal. Åvai Bedehusband er langt ifrå noko bedehusband, sjølv om dei heilt sikkert trakterer den sjangeren óg. Sjeldan har det koka slik som når dei besøkte oss sist. Rita Kjersheim, Jon Petter Syltebø, Brit Guro Rypdal Hovden, Halvor Hovden, Trond Salthammar, Mats Hugo Frostad. El Corazon er ein av dei siste nyskapingane på musikkfronten i Vestnes. Eit Steve Earleprosjekt med Lasse Krogseth, Magne Steinsvoll, Gunnar Rafteseth, Roberth Lien, Elin Dyrkorn, Svein Ivar Slaaen. Det borgar for kvalitet. Frode Aarsbog er ein musikkformidlar av rang. Om det er Johnny Cash, Springsteen eller norske viser på dialekt, er Frode si stemme like vakker. Me gler oss til denne miksen av fantastiske formidlarar og gler oss på meir magi i fjøresteinane.