Bokbad med Simon Malkenes

Simon Malkenes er Florø-gut, men er for tida busett i Bremanger. Onsdag 20.03 kjem han innom Vesle Kinn for å snakke om den siste boka si: Det store skoleeksperimentet

Simon er litteraturvitar og lektor og har sidan 2005 arbeidd ved Ulsrud videregående skole. Han har tidlegare gitt ut fleire bøker, bl.a. Bak fasaden i Osloskolen (2014). Våren 2018 blei Simon tildelt varslarprisen Stockmanns Hammer for sitt "modige bidrag til å reise debatt om norsk utdanningspolitikk og situasjonen i Oslo-skolen" og Fritt Ords Honnørpris for sitt "kritiske søkelys på manglende ytringskultur i Oslo-skolen". I september 2018 fekk han også Skjervheim-prisen "som ei anerkjenning av det arbeidet han har gjort, og som ei oppmuntring til han om å halda fram".

Skule og skulepolitikk er noko som angår oss alle og som mange meiner så mangt om. Simon har mykje på hjartet og vi gler oss til å få han på besøk!