Sommarsalong: Karantenebreva

Gjennom det absurde fjoråret skreiv Marit Eikemo og Kristina Leganger Iversen lange brev til kvarandre. Karantenebrev. Med tankar og refleksjonar rundt eit liv snudd på hovudet.

• Om tida som kjennest som den er ute av ledd, - om korleis ein har byrja sette opp risikorekneskap for alt ein gjer, - om Black Lives Matter- demonstrasjonar, - nordmenn på ferie - men óg om kva ein heim er, og korleis sjonglere mellom å vere mor og kunstnar.

Desse breva er no blitt til ei framsyning og urpremieren fann stad på Det Vestnorske Teateret i mai. Dei står sjølv på scena, og regien er ved Ingrid Askvik. Med seg til Fjaler har forfattarane musikar og komponist Stephan Meidell.