Norsken, svensken, dansken – festivalspesial

Panskandinavisk familieterapi kallar dei det. Kulturjournalist og forfattar Åsa Linderborg i Sverige og forfattar og dramatikar Hassan Preisler i Danmark møter kvar veke journalist og redaktør Hilde Sandvikfrå Noreg i radioprogrammet Norsken, svensken og dansken i NRK, DR og SR. Der tek dei opp stort og smått som har skjedd i offentlegheita i løpet av den siste veka. Målet er å gi ei større forståing av kor like og ulike dei tre landa opplever samfunnet rundt seg.

Med festivaltemaet «Generasjonar» i bagasjen tar dei turen til LitFestBergen og lar publikum ta del i terapien.