Naturens undre II

Omkransa av ulvar, elefantar, bjørnar, kvalar, biller og blomster i nyrestaurete Naturhistoriske samlingar på Muséplass 1, fortel professor i bevaringsbiologi Anne Sverdrup-Thygeson om den fantastiske naturen.

Millionar av artar forsyner oss med mat, medisin og eit leveleg miljø, på overraskande og utruleg vis. Vi står no overfor ein naturkrise, ikkje berre ein klimakrise, og risikoen for mellom anna pandemiar aukar om vi ikkje tar dette alvorleg, hevdar Sverdrup-Thygeson. I boka På naturens skuldre fortel Sverdrup-Thygeson den eine fantastiske historia etter den andre, og i dette foredraget lar ho publikum få innsikt i korleis det finstemte samspelet i naturen er innretta.