Kunstnarsamtale om Holdeplassen kunstprosjekt

KVA ER SAMANHENGEN MELLOM STEIN OG LYS? KAN STEINEN HALDA PÅ LYS? KAN STEIN BLI SJØLVLYSANDE?

KAN STEINAR DINGLE I LAUSE LUFTA?

I samband med kunsprosjektet Holdeplassen vil det koma tre kunstnarar til Lærdal for å jobba med lys og stein.

Kunstnarane Eva Ballo og Inga Skålnes er ein kunstnarduo som dei siste åra har vore på mange små stader i skandinavia. Å møta folk som kan forskjellige ting gir grobotten for idear og innhald til kunstprosjekta deira.

Birk er lysdesignar og bur i Bergen. Birk er no kunstnarleg leiar for Bergen Light Festival, men jobba samtidig med lysdesign for TVproduksjonar, teater og livekonsertar, han har jobba med både High as a Kite og Lars Vaular for å nemna nokon få. Når han jobbar med eigne prosjekt tar dei ofte opp i seg utforsking og testing av heilt nye tekniske løysingar for bruk av lys som visuell uttryksform.

Dette er ein del av kunstprosjektet i Gamle Lærdalsøyri, der målet er å skapa eit kunstverk som kan gi lyst og inspirasjon for gjester og fastbuande til å bruka «gamlegata» som ein naturleg stad å møtast og gjere nye ting saman.

Prosjektet er finansiert i samarbeid med statens organ for offentleg kunst, KORO, og vi har fagleg støtte og bistand frå Hordaland Kunstnarsentersenter (HKS). Petra Rahm som er tilsett i (HKS) er med oss arbeidet og vil vera moderator for kunstnarsamtalen.

Samtalen mellom Petra og kunstnarane vil voneleg gi oss ei utvida forståing av kva kunst kan være, og korleis utandørs kunst kan være i Gamlegata. Uansett får vi låne deira augo for å sjå staden vår på ein litt ny måte.

OBS: Arrangementet vert halde i Gamlebanken/Kulturbanken