Karin Krog // Gymmen

Jazzdronninga Karin Krog i Gymmen Onsdag 11. januar kjem sjølvaste Karin Krog til Gymmen! Den varme, uttrykksfulle stemma til Karin Krog ber ikkje preg av meir enn seksti år i jazzens teneste. Ho formidlar tekst og melodi på ein heilt unik måte. I trioen «Karin Krog & The In-Between-Times» har ho med seg gitarist Staffan William-Olsson og bassist Terje Gewelt. Dei har saman utvikla eit kammeraktig samspel, anten det er originalkomposisjonar eller songar frå The Great American Songbook. Leikande, svingande, gripande og virtuost. Karin Krog har samarbeida med storleikar som John Surman, Dexter Gordon, Archie Shepp, Don Ellis, Steve Kuhn, Palle Mikkelborg, Bengt Hallberg, Red Mitchell og Warne Marsh, i tillegg til norske legender som Arild Andersen, Jan Garbarek, Jon Christensen og Egil Kapstad. Ho er blitt heidra med Buddy-statuetten, St. Olavs-orden, Anders Jahres Kulturpris, den franske "Prix du Jazz Vocal Europe" og Norsk Kulturråds Ærespris. Gitaristen Staffan William-Olsson er kjent fra The Real Thing, Sharp Nine, Babylon Brothers og Staffan William-Olsson Trio, men har også spelt med Mezzoforte, Hot Club de Norvège og Adam Nussbaum. Terje Gewelt er ein landets mest nytta benyttede bassistar, har gjeve ut tolv CD-ar i eige namn og spelar på over hundre album med artistar som Billy Cobham, Enrico Pieranunzi og Christian Jacob. Dørene er opne: 19:00-23:00 Konsert: 20:00 ID: 18 Pris: 350,-