Flugestøylen

Flugestøylen er ein fin og kort støylstur, på god sti i relativt lett kupert terreng. Turen passar godt som familietur for dei med små ungar. Vaksne brukar kring 20-30 minuttar ein veg. Koseleg støylsplass å raste på. På varme sommardagar er det også fint å bade i elva. Turen til Flugestøylen passar godt som joggeterreng, og for turlystne som skal ut på regntunge dagar. Turen passar også fint som skitur. På våren er dette ein stad der sola kjem tidleg.

Om du ønskjer å forlenge turen kan du velje å gå over til Angedalen i Førde. Du kan også gå på sti mot vest frå støylen, og gå runda vidare mot Hjelmbrekkestøylen. Her går du i lia under fjellrekka som strekk seg ut mot Tynningen før du rundar ned mot Hjelbrekkestøylen, og kjem ned på gardane på nedre Hjellbrekke.