Bergen Mandolinband

Bergen Mandolinband

Dei livstørste musikantane i Bergen Mandolinband kjem til Blåveis for å spele muntre låtar som ”I helvetes flammer”, ”Ferdig med Hans” og ”Rundt og rundt i baren for oss” Bandet til Ingemund Askeland, forfattar Gaute M. Sortland og felespelar Olav Christer Rossebø miksar musikk som Rossebø har funne på sine reiser og gitt Sortland i oppgåve å lage nye tekstar til. Slik blir musikken ei blanding av det beste frå Cajunland og det verste frå vestlandet. Mørkt, sorgmuntert og særeige.

Bandet har også eit langt forhold til både norsk og amerikansk folkemusikk og har gitt ut ei rekke kritikarroste album. Dei melodiane som ikkje er tradisjonsmelodiar har Sortland laga sjølv.

Bandet feira i fjor tjue aktive år, og hausten 2020 slapp dei plata ”Koss havna me her”.

Olav Christer Rossebø: Fele og mandolin Gaute M. Sortland: Gitar og vokal Ingemund Askeland: Munnspel og banjo Kjetil Olai Lundø: Kontrabass